ڈاکٹر حبیب الرحمٰن

ڈاکٹر حبیب الرحمٰن 1963 میں خیبر پختونخوا کے خوبصورت شہر مردان میں پیدا ہوئےاورابتدائی تعلیم راولپنڈی اور کوہاٹ سے حاصل کی۔ ایم بی بی ایس کے بعد اعلیٰ تعلیم کے لیے آئر لینڈ اور یو کے چلے گئے جہاں سے انہوں نے انٹرنل میڈیسن میں سپیشلائزیشن کی اور بطور کنسلٹنٹ یو کے میں خدمات انجام دیں۔ 2006 میں ڈاکٹر صاحب کینیڈا منتقل ہو گئے جہاں وہ بطور Attending Physician عملی اور University of Saskatchewan میں بطور ایسوسی ایٹ پروفیسر تدریسی خدمات انجام دے رہے ہیں۔

ادب سے تعلق اور شاعری کا سفر

شاعری ایک الہامی وصف ہے سچا شاعر بیک وقت دین و دنیا کے اسرار کو نہ صرف دریافت کرتا ہے بلکہ ان میں پوشیدہ پہلوؤں کو خوبصورت رنگوں میں اجاگر بھی کرتا ہے ڈاکٹر حبیب الرحمٰن بھی اسی جستجو میں مصروف ہیں وہ پیشے کے اعتبار سے ایک معالج ہیں جو جسمانی تکالیف کا علاج کرتے ہیں مگر انہوں نے انسانی روح کے درد کو بھی محسوس کرنا شروع کر دیا ہے

متاعِ زیست

یہ کتاب زندگی کے نشیب و فراز، وقت کی تیزی، بچھڑنے کے لمحے، اور خودی کی تلاش جیسے موضوعات کو نہایت لطیف انداز میں بیان کرتی ہے۔

دشتِ تشنگی

یہ مجموعہ روحانی و جذباتی پیاس کی ترجمانی ہے۔ اس میں قاری کو زندگی کی گہرائیوں میں لے جانے والے اشعار ملتے ہیں، جو تلاش، جدوجہد اور خاموشی کی آواز ہیں۔

صدائے عشق

عشقِ مجازی سے عشقِ حقیقی تک کے سفر کی شاعری۔ یہ مجموعہ محبوب سے مکالمہ، فراق کا درد، وصال کی امید اور روحانیت کا حسن سموئے ہوئے ہے۔

آدابِ عشق

عشق صرف جذبہ نہیں، ایک رویّہ، ایک طرزِ حیات ہے۔ یہ کتاب محبت کے اخلاقی، جذباتی، اور روحانی اصولوں کو خوبصورت شعری انداز میں بیان کرتی ہے۔